نہیں کہ اپنا زمانہ بھی تو نہیں آیا

نہیں کہ اپنا زمانہ بھی تو نہیں آیا

ہمیں کسی سے نبھانا بھی تو نہیں آیا

جلا کے رکھ لیا ہاتھوں کے ساتھ دامن تک

تمہیں چراغ بجھانا بھی تو نہیں آیا

نئے مکان بنائے تو فاصلوں کی طرح

ہمیں یہ شہر بسانا بھی تو نہیں آیا

وہ پوچھتا تھا مری آنکھ بھیگنے کا سبب

مجھے بہانہ بنانا بھی تو نہیں آیا

وسیمؔ دیکھنا مڑ مڑ کے وہ اسی کی طرف

کسی کو چھوڑ کے جانا بھی تو نہیں آیا

nahin ke apna zamana bhi to nahin aya

hamen kisi se nibhana bhi to nahin aya

jala ke rakh liya hathon ke sath daman tak

tumhen charagh bujhana bhi to nahin aya

nae makan banae to faslon ki tarah

hamen ye shahr basana bhi to nahin aya

wo puchhta tha miri ankh bhigne ka sabab

mujhe bahana banana bhi to nahin aya

wasim dekhna mur mur ke wo usi ki taraf

kisi ko chhor ke jana bhi to nahin aya