تو سمجھتا ہے کہ رشتوں کی دہائی دیں گے

تو سمجھتا ہے کہ رشتوں کی دہائی دیں گے

ہم تو وہ ہیں ترے چہرے سے دکھائی دیں گے

ہم کو محسوس کیا جائے ہے خوشبو کی طرح

ہم کوئی شور نہیں ہیں جو سنائی دیں گے

فیصلہ لکھا ہوا رکھا ہے پہلے سے خلاف

آپ کیا خاک عدالت میں صفائی دیں گے

پچھلی صف میں ہی سہی ہے تو اسی محفل میں

آپ دیکھیں گے تو ہم کیوں نہ دکھائی دیں گے

tu samajhta hai ke rishton ki duhai denge

ham to wo hain tire chehre se dikhai denge

ham ko mahsus kiya jae hai khushbu ki tarah

ham koi shor nahin hain jo sunai denge

faisla likha hua rakha hai pahle se khilaf

ap kya khak adalat mein safai denge

pichhli saf mein hi sahi hai to isi mahfil mein

ap dekhenge to ham kyun na dikhai denge