کھل کے ملنے کا سلیقہ آپ کو آتا نہیں

کھل کے ملنے کا سلیقہ آپ کو آتا نہیں

اور میرے پاس کوئی چور دروازہ نہیں

وہ سمجھتا تھا اسے پا کر ہی میں رہ جاؤں گا

اس کو میری پیاس کی شدت کا اندازہ نہیں

جا دکھا دنیا کو مجھ کو کیا دکھاتا ہے غرور

تو سمندر ہے تو ہے میں تو مگر پیاسا نہیں

کوئی بھی دستک کرے آہٹ ہو یا آواز دے

میرے ہاتھوں میں مرا گھر تو ہے دروازہ نہیں

اپنوں کو اپنا کہا چاہے کسی درجے کے ہوں

اور جب ایسا کیا میں نے تو شرمایا نہیں

اس کی محفل میں انہیں کی روشنی جن کے چراغ

میں بھی کچھ ہوتا تو میرا بھی دیا ہوتا نہیں

تجھ سے کیا بچھڑا مری ساری حقیقت کھل گئی

اب کوئی موسم ملے تو مجھ سے شرماتا نہیں

khul ke milne ka saliqa ap ko ata nahin

aur mere pas koi chur darwaza nahin

wo samajhta tha use pa kar hi mein rah jaunga

us ko meri pyas ki shiddat ka andaza nahin

ja dikha duniya ko mujh ko kya dikhata hai ghurur

tu samundar hai to hai main to magar pyasa nahin

koi bhi dastak kare ahat ho ya awaz de

mere hathon mein mira ghar to hai darwaza nahin

apnon ko apna kaha chahe kisi darje ke hun

aur jab aisa kiya main ne to sharmaya nahin

us ki mahfil mein unhen ki raushni jin ke charagh

main bhi kuchh hota to mera bhi diya hota nahin

tujh se kya bichhra miri sari haqiqat khul gai

ab koi mausam mile to mujh se sharmata nahin