قدم قدم پہ ہے رقصاں اداسیوں کا جھنڈ

قدم قدم پہ ہے رقصاں اداسیوں کا جھنڈ

نفس نفس میں اترتا ہے سسکیوں کا جھنڈ

ہمارے دل کی اداسی کسی کو کیا معلوم

ہمیں سمجھ نہ سکے کیوں ہے ہچکیوں کا جھنڈ

تمہارا ساتھ ہی چاہا تھا کیا گناہ کیا

امڈ پڑا تھا کیوں راہوں میں بجلیوں کا جھنڈ

سبینؔ مجھ کو بھی لاحق ہے موت کا خطرہ

مرے بھی ساتھ ہے یوسف کے بھائیوں کا جھنڈ

qadam qadam pe hai raqsan udasiyon ka jhund

nafas nafas mein utarta hai siskiyon ka jhund

hamare dil ki udasi kisi ko kya maalum

hamen samajh na sake kyun hai hichkiyon ka jhund

tumhara sath hi chaha tha kya gunah kiya

umad para tha kyun rahon mein bijliyon ka jhund

sabyun mujh ko bhi lahaq hai maut ka khatra

mire bhi sath hai yusuf ke bhaiyon ka jhund