اپنے سائے کو اتنا سمجھانے دے
Waseem Barelvi (b. 1940)اپنے سائے کو اتنا سمجھانے دے
مجھ تک میرے حصے کی دھوپ آنے دے
ایک نظر میں کئی زمانے دیکھے تو
بوڑھی آنکھوں کی تصویر بنانے دے
بابا دنیا جیت کے میں دکھلا دوں گا
اپنی نظر سے دور تو مجھ کو جانے دے
میں بھی تو اس باغ کا ایک پرندہ ہوں
میری ہی آواز میں مجھ کو گانے دے
پھر تو یہ اونچا ہی ہوتا جائے گا
بچپن کے ہاتھوں میں چاند آ جانے دے
فصلیں پک جائیں تو کھیت سے بچھڑیں گی
روتی آنکھ کو پیار کہاں سمجھانے دے
apne sae ko itna samjhane de
mujh tak mere hisse ki dhup ane de
ek nazar mein kai zamane dekhe to
burhi ankhon ki taswir banane de
baba duniya jit ke main dikhla dunga
apni nazar se dur to mujh ko jane de
main bhi to is bagh ka ek parinda hun
meri hi awaz mein mujh ko gane de
phir to ye uncha hi hota jaega
bachpan ke hathon mein chand a jane de
faslen pak jaen to khet se bichhrengi
roti ankh ko pyar kahan samjhane de