اندھیرا ذہن کا سمت سفر جب کھونے لگتا ہے

اندھیرا ذہن کا سمت سفر جب کھونے لگتا ہے

کسی کا دھیان آتا ہے اجالا ہونے لگتا ہے

وہ جتنی دور ہو اتنا ہی میرا ہونے لگتا ہے

مگر جب پاس آتا ہے تو مجھ سے کھونے لگتا ہے

کسی نے رکھ دیے ممتا بھرے دو ہاتھ کیا سر پر

مرے اندر کوئی بچہ بلک کر رونے لگتا ہے

محبت چار دن کی اور اداسی زندگی بھر کی

یہی سب دیکھتا ہے اور کبیراؔ رونے لگتا ہے

سمجھتے ہی نہیں نادان کے دن کی ہے ملکیت

پرائے کھیتوں پہ اپنوں میں جھگڑا ہونے لگتا ہے

یہ دل بچ کر زمانے بھر سے چلنا چاہے ہے لیکن

جب اپنی راہ چلتا ہے اکیلا ہونے لگتا ہے

andhera zehn ka samt-e-safar jab khone lagta hai

kisi ka dhyan ata hai ujala hone lagta hai

wo jitni dur ho itna hi mera hone lagta hai

magar jab pas ata hai to mujh se khone lagta hai

kisi ne rakh diye mamta bhare do hath kya sar par

mire andar koi bachcha bilik kar rone lagta hai

mohabbat char din ki aur udasi zindagi bhar ki

yahi sab dekhta hai aur kabira rone lagta hai

samajhte hi nahin nadan ke din ki hai milkiyyat

parae kheton pe apnon mein jhagra hone lagta hai

ye dil bach kar zamane bhar se chalna chahe hai lekin

jab apni rah chalta hai akela hone lagta hai