حادثوں کی زد پہ ہیں تو مسکرانا چھوڑ دیں

حادثوں کی زد پہ ہیں تو مسکرانا چھوڑ دیں

زلزلوں کے خوف سے کیا گھر بنانا چھوڑ دیں

تم نے میرے گھر نہ آنے کی قسم کھائی تو ہے

آنسوؤں سے بھی کہو آنکھوں میں آنا چھوڑ دیں

پیار کے دشمن کبھی تو پیار سے کہہ کے تو دیکھ

ایک تیرا در ہی کیا ہم تو زمانہ چھوڑ دیں

گھونسلے ویران ہیں اب وہ پرندے ہی کہاں

اک بسیرے کے لئے جو آب و دانہ چھوڑ دیں

hadson ki zad pe hain to muskurana chhor den

zalzalon ke khauf se kya ghar banana chhor den

tum ne mere ghar na ane ki qasam khai to hai

ansuon se bhi kaho ankhon mein ana chhor den

pyar ke dushman kabhi to pyar se kah ke to dekh

ek tera dar hi kya ham to zamana chhor den

ghonsle wiran hain ab wo parinde hi kahan

ik basere ke liye jo ab-o-dana chhor den