دکھ اپنا اگر ہم کو بتانا نہیں آتا

دکھ اپنا اگر ہم کو بتانا نہیں آتا

تم کو بھی تو اندازہ لگانا نہیں آتا

پہنچا ہے بزرگوں کے بیانوں سے جو ہم تک

کیا بات ہوئی کیوں وہ زمانہ نہیں آتا

میں بھی اسے کھونے کا ہنر سیکھ نہ پایا

اس کو بھی مجھے چھوڑ کے جانا نہیں آتا

اس چھوٹے زمانے کے بڑے کیسے بنوگے

لوگوں کو جب آپس میں لڑانا نہیں آتا

ڈھونڈھے ہے تو پلکوں پہ چمکنے کے بہانے

آنسو کو مری آنکھ میں آنا نہیں آتا

تاریخ کی آنکھوں میں دھواں ہو گئے خود ہی

تم کو تو کوئی گھر بھی جلانا نہیں آتا

dukh apna agar ham ko batana nahin ata

tum ko bhi to andaza lagana nahin ata

pahuncha hai buzurgon ke bayanon se jo ham tak

kya bat hui kyun wo zamana nahin ata

main bhi use khone ka hunar sikh na paya

us ko bhi mujhe chhor ke jana nahin ata

is chhote zamane ke bare kaise banoge

logon ko jab apas mein larana nahin ata

dhundhe hai to palkon pe chamakne ke bahane

ansu ko miri ankh mein ana nahin ata

tarikh ki ankhon mein dhuan ho gae khud hi

tum ko to koi ghar bhi jalana nahin ata