کیا دکھ ہے سمندر کو بتا بھی نہیں سکتا

کیا دکھ ہے سمندر کو بتا بھی نہیں سکتا

آنسو کی طرح آنکھ تک آ بھی نہیں سکتا

تو چھوڑ رہا ہے تو خطا اس میں تری کیا

ہر شخص مرا ساتھ نبھا بھی نہیں سکتا

پیاسے رہے جاتے ہیں زمانے کے سوالات

کس کے لیے زندہ ہوں بتا بھی نہیں سکتا

گھر ڈھونڈ رہے ہیں مرا راتوں کے پجاری

میں ہوں کہ چراغوں کو بجھا بھی نہیں سکتا

ویسے تو اک آنسو ہی بہا کر مجھے لے جائے

ایسے کوئی طوفان ہلا بھی نہیں سکتا

kya dukh hai samundar ko bata bhi nahin sakta

ansu ki tarah ankh tak a bhi nahin sakta

tu chhor raha hai to khata is mein tiri kya

har shakhs mira sath nibha bhi nahin sakta

pyase rahe jate hain zamane ke sawalat

kis ke liye zinda hun bata bhi nahin sakta

ghar dhund rahe hain mira raton ke pujari

main hun ke charaghon ko bujha bhi nahin sakta

waise to ik ansu hi baha kar mujhe le jae

aise koi tufan hila bhi nahin sakta