آنکھوں میں حیا رکھ کے بھی بے باک بہت تھے

آنکھوں میں حیا رکھ کے بھی بے باک بہت تھے

تھے تیرے گنہ گار مگر پاک بہت تھے

میں اپنا سمجھتی رہی ارباب‌ وفا کو

وہ غیر سے ملتے رہے چالاک بہت تھے

یہ بھی کوئی الفت کا طریقہ ہے جہاں میں

رہ رہ کے جلے ہجر میں ہم خاک بہت تھے

معصوم کو پھر مار دیا کوکھ میں ماں کی

قصہ جو سنے ہم نے وہ غم ناک بہت تھے

ہم لوگ سبیںؔ نرم مزاجی کے پیمبر

جو لوگ ملے ہم سے وہ سفاک بہت تھے

ankhon mein haya rakh ke bhi be bak bahut the

the tere gunah gar magar pak bahut the

main apna samajhti rahi arbab-e-wafa ko

wo ghair se milte rahe chalak bahut the

ye bhi koi ulfat ka tariqa hai jahan mein

rah rah ke jale hijr mein ham khak bahut the

maasum ko phir mar diya kokh mein man ki

qissa jo sune ham ne wo gham nak bahut the

ham log saben narm mizaji ke payambar

jo log mile ham se wo saffak bahut the