کسی کے ہجر کے سائے میں آ کھڑا ہوں میں

کسی کے ہجر کے سائے میں آ کھڑا ہوں میں

عجیب دکھ ہے مرا چھاؤں میں جلا ہوں میں

ابھی تو سانس ہے باقی ذرا بچا ہوں میں

وہ کب تلک نہیں آئے گا دیکھتا ہوں میں

میں سر پہ گٹھری غموں کی اٹھائے پھرتا ہوں

اب اہل علم کہیں گے کہ سر پھرا ہوں میں

بس اس لئے کہ ترا حوصلہ نہ ماند پڑے

بس اس لئے ہی تو کہتا ہوں اب نیا ہوں میں

بس اس لئے کہ مجھے کہہ کے سوچنا نہ پڑے

ہمیشہ سوچ سمجھ کر ہی بولتا ہوں میں

اب اس سے قبل تعارف میں اپنا پیش کروں

حریف پہلے بتا دیتے ہیں عطاؔ ہوں میں

kisi ke hijr ke sae mein a khara hun main

ajib dukh hai mira chhaon mein jala hun main

abhi to sans hai baqi zara bacha hun main

wo kab talak nahin aega dekhta hun main

main sar pe gathri ghamon ki uthae phirta hun

ab ahl-e-ilm kahenge ke sar phira hun main

bas is liye ke tira hausla na mand pare

bas is liye hi to kahta hun ab naya hun main

bas is liye ke mujhe kah ke sochna na pare

hamesha soch samajh kar hi bolta hun main

ab is se qabl taaruf mein apna pesh karun

harif pahle bata dete hain ata hun main