یہ کس نے باغ سے اس شخص کو بلا لیا ہے

یہ کس نے باغ سے اس شخص کو بلا لیا ہے

پرند اڑ گئے پیڑوں نے منہ بنا لیا ہے

اسے پتا تھا میں چھونے میں وقت لیتا ہوں

سو اس نے وصل کا دورانیہ بڑھا لیا ہے

یہ رات نام نہیں لے رہی تھی کٹنے کا

چراغ جوڑ کے لوگوں نے دن بنا لیا ہے

درخت چھاؤں سے ہٹ کر بھی اور بہت کچھ ہے

یہ کیسی چیز تھی اور ہم نے کام کیا لیا ہے

کھرچ رہا ہوں میں دیوار پر لکھے ہوئے نام

عجیب طرح کی اک بے بسی نے آ لیا ہے

ye kis ne bagh se us shakhs ko bala liya hai

parind ur gae peron ne munh bana liya hai

use pata tha main chhune mein waqt leta hun

so us ne wasl ka dauraniya barha liya hai

ye rat nam nahin le rahi thi katne ka

charagh jor ke logon ne din bana liya hai

darakht chhaon se hat kar bhi aur bahut kuchh hai

ye kaisi chiz thi aur ham ne kam kya liya hai

khurach raha hun main diwar par likhe hue nam

ajib tarah ki ik be basi ne a liya hai