رات کو دیپ کی لو کم نہیں رکھی جاتی

رات کو دیپ کی لو کم نہیں رکھی جاتی

دھندھ میں روشنی مدھم نہیں رکھی جاتی

کیسے دریا کی حفاظت ترے ذمے ٹھہراؤں

تجھ سے اک آنکھ اگر نم نہیں رکھی جاتی

اس لیے چھوڑ کے جانے لگے سب چارہ گراں

زخم سے عزت مرہم نہیں رکھی جاتی

میرے اشکوں کی مدد چاہیے بتلاؤ مجھے

کون سے پھول پہ شبنم نہیں رکھی جاتی

ایسے کیسے میں تجھے چاہنے لگ جاؤں بھلا

گھر کی بنیاد تو اک دم نہیں رکھی جاتی

rat ko dip ki lau kam nahin rakhi jati

dhundha mein raushni maddham nahin rakhi jati

kaise dariya ki hifazat tire zimme thahraun

tujh se ik ankh agar nam nahin rakhi jati

is liye chhor ke jane lage sab chara giran

zakhm se izzat-e-marham nahin rakhi jati

mere ashkon ki madad chahiye batlao mujhe

kaun se phul pe shabnam nahin rakhi jati

aise kaise main tujhe chahne lag jaun bhala

ghar ki buniyad to ik dam nahin rakhi jati