سب کی کہانی ایک طرف ہے میرا قصہ ایک طرف

سب کی کہانی ایک طرف ہے میرا قصہ ایک طرف

ایک طرف سیراب ہیں سارے اور میں پیاسا ایک طرف

ایک طرف تمہیں جلدی ہے اس کے دل میں گھر کرنے کی

ایک طرف وہ کر دیتا ہے رفتہ رفتہ ایک طرف

میری مرضی تھی میں ذرے چنتا یا لہریں چنتا

اس نے صحرا ایک طرف رکھا اور دریا ایک طرف

میں نے اب تک جتنے بھی لوگوں میں خود کو بانٹا ہے

بچپن سے رکھتا آیا ہوں تیرا حصہ ایک طرف

جب سے اس نے کھینچا ہے کھڑکی کا پردہ ایک طرف

اس کا کمرا ایک طرف ہے باقی دنیا ایک طرف

یوں تو آج بھی تیرا دکھ دل دہلا دیتا ہے لیکن

تجھ سے جدا ہونے کے بعد کا پہلا ہفتہ ایک طرف

sab ki kahani ek taraf hai mera qissa ek taraf

ek taraf sairab hain sare aur main pyasa ek taraf

ek taraf tumhen jaldi hai us ke dil mein ghar karne ki

ek taraf wo kar deta hai rafta rafta ek taraf

meri marzi thi main zarre chunta ya lahren chunta

us ne sahra ek taraf rakha aur dariya ek taraf

main ne ab tak jitne bhi logon mein khud ko banta hai

bachpan se rakhta aya hun tera hissa ek taraf

jab se us ne khincha hai khirki ka parda ek taraf

us ka kamra ek taraf hai baqi duniya ek taraf

yun to aj bhi tera dukh dil dahla deta hai lekin

tujh se juda hone ke baad ka pahla hafta ek taraf