اشک ضائع ہو رہے تھے دیکھ کر روتا نہ تھا

اشک ضائع ہو رہے تھے دیکھ کر روتا نہ تھا

جس جگہ بنتا تھا رونا میں ادھر روتا نہ تھا

صرف تیری چپ نے میرے گال گیلے کر دئے

میں تو وہ ہوں جو کسی کی موت پر روتا نہ تھا

مجھ پہ کتنے سانحے گزرے پر ان آنکھوں کو کیا

میرا دکھ یہ ہے کہ میرا ہم سفر روتا نہ تھا

میں نے اس کے وصل میں بھی ہجر کاٹا ہے کہیں

وہ مرے کاندھے پہ رکھ لیتا تھا سر روتا نہ تھا

پیار تو پہلے بھی اس سے تھا مگر اتنا نہیں

تب میں اس کو چھو تو لیتا تھا مگر روتا نہ تھا

گریہ و زاری کو بھی اک خاص موسم چاہیے

میری آنکھیں دیکھ لو میں وقت پر روتا نہ تھا

ashk zae ho rahe the dekh kar rota na tha

jis jagah banta tha rona mein idhar rota na tha

sirf teri chup ne mere gal gile kar diye

main to wo hun jo kisi ki maut par rota na tha

mujh pe kitne sanehe guzre par in ankhon ko kya

mera dukh ye hai ke mera ham safar rota na tha

main ne us ke wasl mein bhi hijr kata hai kahin

wo mire kandhe pe rakh leta tha sar rota na tha

pyar to pahle bhi us se tha magar itna nahin

tab main us ko chhu to leta tha magar rota na tha

girya-o-zari ko bhi ik khas mausam chahiye

meri ankhen dekh lo mein waqt par rota na tha