تاریکیوں کو آگ لگے اور دیا جلے

تاریکیوں کو آگ لگے اور دیا جلے

یہ رات بین کرتی رہے اور دیا جلے

اس کی زباں میں اتنا اثر ہے کہ نصف شب

وہ روشنی کی بات کرے اور دیا جلے

تم چاہتے ہو تم سے بچھڑ کے بھی خوش رہوں

یعنی ہوا بھی چلتی رہے اور دیا جلے

کیا مجھ سے بھی عزیز ہے تم کو دیے کی لو

پھر تو میرا مزار بنے اور دیا جلے

سورج تو میری آنکھ سے آگے کی چیز ہے

میں چاہتا ہوں شام ڈھلے اور دیا جلے

تم لوٹنے میں دیر نہ کرنا کہ یہ نہ ہو

دل تیرگی میں گھیر چکے اور دیا جلے

tarikiyon ko ag lage aur diya jale

ye rat bain karti rahe aur diya jale

us ki zaban mein itna asar hai ke nisf-e-shab

wo raushni ki bat kare aur diya jale

tum chahte ho tum se bichhar ke bhi khush rahun

yaani hua bhi chalti rahe aur diya jale

kya mujh se bhi aziz hai tum ko diye ki lau

phir to mera mazar bane aur diya jale

suraj to meri ankh se age ki chiz hai

main chahta hun sham dhale aur diya jale

tum lautne mein der na karna ke ye na ho

dil tirgi mein gher chuke aur diya jale