صحرا سے آنے والی ہواؤں میں ریت ہے

صحرا سے آنے والی ہواؤں میں ریت ہے

ہجرت کروں گا گاؤں سے گاؤں میں ریت ہے

اے قیس تیرے دشت کو اتنی دعائیں دیں

کچھ بھی نہیں ہے میری دعاؤں میں ریت ہے

صحرا سے ہو کے باغ میں آیا ہوں سیر کو

ہاتھوں میں پھول ہیں مرے پاؤں میں ریت ہے

مدت سے میری آنکھ میں اک خواب ہے مقیم

پانی میں پیڑ پیڑ کی چھاؤں میں ریت ہے

مجھ سا کوئی فقیر نہیں ہے کہ جس کے پاس

کشکول ریت کا ہے صداؤں میں ریت ہے

sahra se ane wali hawaon mein ret hai

hijrat karunga gaon se gaon mein ret hai

ai qais tere dasht ko itni duaen den

kuchh bhi nahin hai meri duaon mein ret hai

sahra se ho ke bagh mein aya hun sair ko

hathon mein phul hain mire paon mein ret hai

muddat se meri ankh mein ik khwab hai muqim

pani mein per per ki chhaon mein ret hai

mujh sa koi faqir nahin hai ke jis ke pas

kashkol ret ka hai sadaon mein ret hai