زخموں نے مجھ میں دروازے کھولے ہیں

زخموں نے مجھ میں دروازے کھولے ہیں

میں نے وقت سے پہلے ٹانکے کھولے ہیں

باہر آنے کی بھی سکت نہیں ہم میں

تو نے کس موسم میں پنجرے کھولے ہیں

برسوں سے آوازیں جمتی جاتی تھیں

خاموشی نے کان کے پردے کھولے ہیں

کون ہماری پیاس پہ ڈاکا ڈال گیا

کس نے مشکیزوں کے تسمے کھولے ہیں

ورنہ دھوپ کا پربت کس سے کٹتا تھا

اس نے چھتری کھول کے رستے کھولے ہیں

یہ میرا پہلا رمضان تھا اس کے بغیر

مت پوچھو کس منہ سے روزے کھولے ہیں

یوں تو مجھ کو کتنے خط موصول ہوئے

اک دو ایسے تھے جو دل سے کھولے ہیں

منت ماننے والوں کو معلوم نہیں

کس نے آ کر پیڑ سے دھاگے کھولے ہیں

دریا بند کیا ہے کوزے میں تہذیبؔ

اک چابی سے سارے تالے کھولے ہیں

zakhmon ne mujh mein darwaze khole hain

main ne waqt se pahle tanke khole hain

bahar ane ki bhi sakat nahin ham mein

tu ne kis mausam mein pinjre khole hain

barson se awazen jamti jati thin

khamoshi ne kan ke parde khole hain

kaun hamari pyas pe daka dal gaya

kis ne mashkizon ke tasme khole hain

warna dhup ka parbat kis se katta tha

us ne chhatri khol ke raste khole hain

ye mera pahla ramzan tha us ke baghair

mat puchho kis munh se roze khole hain

yun to mujh ko kitne khat mausul hue

ik do aise the jo dil se khole hain

minnat manne walon ko maalum nahin

kis ne a kar per se dhage khole hain

dariya band kya hai kuze mein tahzib

ik chabi se sare tale khole hain