عجیب خواب تھا اس کے بدن میں کائی تھی

عجیب خواب تھا اس کے بدن میں کائی تھی

وہ اک پری جو مجھے سبز کرنے آئی تھی

وہ اک چراغ کدہ جس میں کچھ نہیں تھا مرا

جو جل رہی تھی وہ قندیل بھی پرائی تھی

نہ جانے کتنے پرندوں نے اس میں شرکت کی

کل ایک پیڑ کی تقریب رو نمائی تھی

ہواؤ آؤ مرے گاؤں کی طرف دیکھو

جہاں یہ ریت ہے پہلے یہاں ترائی تھی

کسی سپاہ نے خیمے لگا دیے ہیں وہاں

جہاں پہ میں نے نشانی تری دبائی تھی

گلے ملا تھا کبھی دکھ بھرے دسمبر سے

مرے وجود کے اندر بھی دھند چھائی تھی

ajib khwab tha us ke badan mein kai thi

wo ik pari jo mujhe sabz karne ai thi

wo ik charagh kada jis mein kuchh nahin tha mira

jo jal rahi thi wo qindil bhi parai thi

na jane kitne parindon ne is mein shirkat ki

kal ek per ki taqrib ro numai thi

hawao ao mire gaon ki taraf dekho

jahan ye ret hai pahle yahan tirai thi

kisi sipah ne kheme laga diye hain wahan

jahan pe main ne nishani tiri dabai thi

gale mila tha kabhi dukh bhare disambar se

mire wajud ke andar bhi dhund chhai thi