ویسے میں نے دنیا میں کیا دیکھا ہے

ویسے میں نے دنیا میں کیا دیکھا ہے

تم کہتے ہو تو پھر اچھا دیکھا ہے

میں اس کو اپنی وحشت تحفے میں دوں

ہاتھ اٹھائے جس نے صحرا دیکھا ہے

بن دیکھے اس کی تصویر بنا لوں گا

آج تو میں نے اس کو اتنا دیکھا ہے

ایک نظر میں منظر کب کھلتے ہیں دوست

تو نے دیکھا بھی ہے تو کیا دیکھا ہے

عشق میں بندہ مر بھی سکتا ہے میں نے

دل کی دستاویز میں لکھا دیکھا ہے

میں تو آنکھیں دیکھ کے ہی بتلا دوں گا

تم میں سے کس کس نے دریا دیکھا ہے

آگے سیدھے ہاتھ پہ ایک ترائی ہے

میں نے پہلے بھی یہ رستہ دیکھا ہے

تم کو تو اس باغ کا نام پتا ہوگا

تم نے تو اس شہر کا نقشہ دیکھا ہے

waise main ne duniya mein kya dekha hai

tum kahte ho to phir achchha dekha hai

main us ko apni wahshat tohfe mein dun

hath uthae jis ne sahra dekha hai

bin dekhe us ki taswir bana lunga

aj to main ne us ko itna dekha hai

ek nazar mein manzar kab khulte hain dost

tu ne dekha bhi hai to kya dekha hai

ishq mein banda mar bhi sakta hai main ne

dil ki dastawez mein likha dekha hai

main to ankhen dekh ke hi batla dunga

tum mein se kis kis ne dariya dekha hai

age sidhe hath pe ek tirai hai

main ne pahle bhi ye rasta dekha hai

tum ko to is bagh ka nam pata hoga

tum ne to is shahr ka naqsha dekha hai