مختصر سی بات کو بھی مسئلہ کہتے رہے

مختصر سی بات کو بھی مسئلہ کہتے رہے

زندگی میں آپ کو کیوں رہنما کہتے رہے

بے وفا ہونے کا فتویٰ دے دیا ان نے ہمیں

عمر بھر جن کے ستم کو ہم وفا کہتے رہے

کر دیا مسمار ان نے ایک پل میں قصر دل

جن کے خستہ گھر کو بھی ہم خوش نما کہتے رہے

ہر گھڑی ہر وقت ہر پل ہر جگہ بے خوف ہم

وہ ہمارے تھے ہمارے ہیں سدا کہتے رہے

دھیرے دھیرے چل دئیے اس راہ پر ہم بھی سبینؔ

رات دن سب جس کو غم کی کربلا کہتے رہے

mukhtasar si bat ko bhi masala kahte rahe

zindagi mein ap ko kyun rahnuma kahte rahe

be wafa hone ka fatwa de diya un ne hamen

umr bhar jin ke sitam ko ham wafa kahte rahe

kar diya mismar un ne ek pal mein qasr-e-dil

jin ke khasta ghar ko bhi ham khush numa kahte rahe

har ghari har waqt har pal har jagah be khauf ham

wo hamare the hamare hain sada kahte rahe

dhire dhire chal diye is rah par ham bhi sabyun

rat din sab jis ko gham ki karbala kahte rahe