تو نے کیا قندیل جلا دی شہزادی

تو نے کیا قندیل جلا دی شہزادی

سرخ ہوئی جاتی ہے وادی شہزادی

شیش محل کو صاف کیا ترے کہنے پر

آئینوں سے گرد ہٹا دی شہزادی

اب تو خواب کدے سے باہر پاؤں رکھ

لوٹ گئے ہیں سب فریادی شہزادی

تیرے ہی کہنے پر ایک سپاہی نے

اپنے گھر کو آگ لگا دی شہزادی

میں تیرے دشمن لشکر کا شہزادہ

کیسے ممکن ہے یہ شادی شہزادی

tu ne kya qindil jala di shahzadi

surkh hui jati hai wadi shahzadi

shish mahal ko saf kiya tire kahne par

ainon se gard hata di shahzadi

ab to khwab kade se bahar paon rakh

laut gae hain sab fariyadi shahzadi

tere hi kahne par ek sipahi ne

apne ghar ko ag laga di shahzadi

main tere dushman lashkar ka shahzada

kaise mumkin hai ye shadi shahzadi