شور کروں گا اور نہ کچھ بھی بولوں گا

شور کروں گا اور نہ کچھ بھی بولوں گا

خاموشی سے اپنا رونا رو لوں گا

ساری عمر اسی خواہش میں گزری ہے

دستک ہوگی اور دروازہ کھولوں گا

تنہائی میں خود سے باتیں کرنی ہیں

میرے منہ میں جو آئے گا بولوں گا

رات بہت ہے تم چاہو تو سو جاؤ

میرا کیا ہے میں دن میں بھی سو لوں گا

تم کو دل کی بات بتانی ہے لیکن

آنکھیں بند کرو تو مٹھی کھولوں گا

shor karunga aur na kuchh bhi bolunga

khamoshi se apna rona ro lunga

sari umr isi khwahish mein guzri hai

dastak hogi aur darwaza kholunga

tanhai mein khud se baten karni hain

mere munh mein jo aega bolunga

rat bahut hai tum chaho to so jao

mera kya hai main din mein bhi so lunga

tum ko dil ki bat batani hai lekin

ankhen band karo to mutthi kholunga