چہرہ دیکھیں تیرے ہونٹ اور پلکیں دیکھیں

چہرہ دیکھیں تیرے ہونٹ اور پلکیں دیکھیں

دل پہ آنکھیں رکھیں تیری سانسیں دیکھیں

سرخ لبوں سے سبز دعائیں پھوٹی ہیں

پیلے پھولوں تم کو نیلی آنکھیں دیکھیں

سال ہونے کو آیا ہے وہ کب لوٹے گا

آؤ کھیت کی سیر کو نکلیں کونجیں دیکھیں

تھوڑی دیر میں جنگل ہم کو عاق کرے گا

برگد دیکھیں یا برگد کی شاخیں دیکھیں

میرے مالک آپ تو سب کچھ کر سکتے ہیں

ساتھ چلیں ہم اور دنیا کی آنکھیں دیکھیں

ہم تیرے ہونٹوں کی لرزش کب بھولے ہیں

پانی میں پتھر پھینکیں اور لہریں دیکھیں

chehra dekhen tere hont aur palken dekhen

dil pe ankhen rakhen teri sansen dekhen

surkh labon se sabz duaen phuti hain

pile phulun tum ko nili ankhen dekhen

sal hone ko aya hai wo kab lautega

ao khet ki sair ko niklen kunjen dekhen

thori der mein jangal ham ko aq karega

bargad dekhen ya bargad ki shakhen dekhen

mere malik ap to sab kuchh kar sakte hain

sath chalen ham aur duniya ki ankhen dekhen

ham tere honton ki larzish kab bhule hain

pani mein patthar phenken aur lahren dekhen