نہ نیند اور نہ خوابوں سے آنکھ بھرنی ہے

نہ نیند اور نہ خوابوں سے آنکھ بھرنی ہے

کہ اس سے ہم نے تجھے دیکھنے کی کرنی ہے

کسی درخت کی حدت میں دن گزارنا ہے

کسی چراغ کی چھاؤں میں رات کرنی ہے

وہ پھول اور کسی شاخ پر نہیں کھلنا

وہ زلف صرف مرے ہاتھ سے سنورنی ہے

تمام ناخدا ساحل سے دور ہو جائیں

سمندروں سے اکیلے میں بات کرنی ہے

ہمارے گاؤں کا ہر پھول مرنے والا ہے

اب اس گلی سے وہ خوشبو نہیں گزرنی ہے

ترے زیاں پہ میں اپنا زیاں نہ کر بیٹھوں

کہ مجھ مرید کا مرشد اویسؔ قرنی ہے

na nind aur na khwabon se ankh bharni hai

ke us se ham ne tujhe dekhne ki karni hai

kisi darakht ki hiddat mein din guzarna hai

kisi charagh ki chhaon mein rat karni hai

wo phul aur kisi shakh par nahin khulna

wo zulf sirf mire hath se sanwarni hai

tamam nakhuda sahil se dur ho jaen

samundaron se akele mein bat karni hai

hamare gaon ka har phul marne wala hai

ab us gali se wo khushbu nahin guzarni hai

tire ziyan pe main apna ziyan na kar baithun

ke mujh murid ka murshid awes-e-qarni hai