سو رہیں گے کہ جاگتے رہیں گے

سو رہیں گے کہ جاگتے رہیں گے

ہم ترے خواب دیکھتے رہیں گے

تو کہیں اور ڈھونڈھتا رہے گا

ہم کہیں اور ہی کھلے رہیں گے

راہگیروں نے رہ بدلنی ہے

پیڑ اپنی جگہ کھڑے رہے ہیں

برف پگھلے گی اور پہاڑوں میں

سالہا سال راستے رہیں گے

سبھی موسم ہیں دسترس میں تری

تو نے چاہا تو ہم ہرے رہیں گے

لوٹنا کب ہے تو نے پر تجھ کو

عادتاً ہی پکارتے رہیں گے

تجھ کو پانے میں مسئلہ یہ ہے

تجھ کو کھونے کے وسوسے رہیں گے

تو ادھر دیکھ مجھ سے باتیں کر

یار چشمے تو پھوٹتے رہیں گے

so rahenge ke jagte rahenge

ham tire khwab dekhte rahenge

tu kahin aur dhundhta rahega

ham kahin aur hi khule rahenge

rahgiron ne rah badalni hai

per apni jagah khare rahe hain

barf pighlegi aur paharon mein

salha sal raste rahenge

sabhi mausam hain dastaras mein tiri

tu ne chaha to ham hare rahenge

lautna kab hai tu ne par tujh ko

adatan hi pukarte rahenge

tujh ko pane mein masala ye hai

tujh ko khone ke waswase rahenge

tu idhar dekh mujh se baten kar

yar chashme to phutte rahenge