اک حویلی ہوں اس کا در بھی ہوں

اک حویلی ہوں اس کا در بھی ہوں

خود ہی آنگن خود ہی شجر بھی ہوں

اپنی مستی میں بہتا دریا ہوں

میں کنارہ بھی ہوں بھنور بھی ہوں

آسماں اور زمیں کی وسعت دیکھ

میں ادھر بھی ہوں اور ادھر بھی ہوں

خود ہی میں خود کو لکھ رہا ہوں خط

اور میں اپنا نامہ بر بھی ہوں

داستاں ہوں میں اک طویل مگر

تو جو سن لے تو مختصر بھی ہوں

ایک پھل دار پیڑ ہوں لیکن

وقت آنے پہ بے ثمر بھی ہوں

ik haweli hun us ka dar bhi hun

khud hi angan khud hi shajar bhi hun

apni masti mein bahta dariya hun

main kinara bhi hun bhanwar bhi hun

asman aur zamin ki wusat dekh

main idhar bhi hun aur idhar bhi hun

khud hi mein khud ko likh raha hun khat

aur main apna nama bar bhi hun

dastan hun main ik tawil magar

tu jo sun le to mukhtasar bhi hun

ek phal dar per hun lekin

waqt ane pe be samar bhi hun