بچھڑ کر اس کا دل لگ بھی گیا تو کیا لگے گا

بچھڑ کر اس کا دل لگ بھی گیا تو کیا لگے گا

وو تھک جائے گا اور میرے گلے سے آ لگے گا

میں مشکل میں تمہارے کام آؤں یا نہ آؤں

مجھے آواز دے لینا تمہیں اچھا لگے گا

میں جس کوشش سے اس کو بھول جانے میں لگا ہوں

زیادہ بھی اگر لگ جائے تو ہفتہ لگے گا

مرے ہاتھوں سے لگ کر پھول مٹی ہو رہے ہیں

مری آنکھوں سے دریا دیکھنا صحرا لگے گا

مرا دشمن سنا ہے کل سے بھوکا لڑ رہا ہے

یہ پہلا تیر اس کو ناشتے میں جا لگے گا

کئی دن اس کے بھی صحراؤں میں گزرے ہیں حافیؔ

سو اس نسبت سے آئینہ ہمارا کیا لگے گا

bichhar kar us ka dil lag bhi gaya to kya lagega

wo thak jaega aur mere gale se a lagega

main mushkil mein tumhare kam aun ya na aun

mujhe awaz de lena tumhen achchha lagega

main jis koshish se us ko bhul jane mein laga hun

ziyada bhi agar lag jae to hafta lagega

mire hathon se lag kar phul mitti ho rahe hain

miri ankhon se dariya dekhna sahra lagega

mira dushman suna hai kal se bhuka lar raha hai

ye pahla tir us ko nashte mein ja lagega

kai din us ke bhi sahraon mein guzre hain hafi

so is nisbat se aina hamara kya lagega