جب اس کی تصویر بنایا کرتا تھا

جب اس کی تصویر بنایا کرتا تھا

کمرا رنگوں سے بھر جایا کرتا تھا

پیڑ مجھے حسرت سے دیکھا کرتے تھے

میں جنگل میں پانی لایا کرتا تھا

تھک جاتا تھا بادل سایہ کرتے کرتے

اور پھر میں بادل پہ سایہ کرتا تھا

بیٹھا رہتا تھا ساحل پہ سارا دن

دریا مجھ سے جان چھڑایا کرتا تھا

بنت صحرا روٹھا کرتی تھی مجھ سے

میں صحرا سے ریت چرایا کرتا تھا

jab us ki taswir banaya karta tha

kamra rangon se bhar jaya karta tha

per mujhe hasrat se dekha karte the

main jangal mein pani laya karta tha

thak jata tha badal saya karte karte

aur phir main badal pe saya karta tha

baitha rahta tha sahil pe sara din

dariya mujh se jan chhuraya karta tha

bint-e-sahra rutha karti thi mujh se

main sahra se ret churaya karta tha