بتا اے ابر مساوات کیوں نہیں کرتا

بتا اے ابر مساوات کیوں نہیں کرتا

ہمارے گاؤں میں برسات کیوں نہیں کرتا

محاذ عشق سے کب کون بچ کے نکلا ہے

تو بچ گیا ہے تو خیرات کیوں نہیں کرتا

وہ جس کی چھاؤں میں پچیس سال گزرے ہیں

وہ پیڑ مجھ سے کوئی بات کیوں نہیں کرتا

میں جس کے ساتھ کئی دن گزار آیا ہوں

وہ میرے ساتھ بسر رات کیوں نہیں کرتا

مجھے تو جان سے بڑھ کر عزیز ہو گیا ہے

تو میرے ساتھ کوئی ہاتھ کیوں نہیں کرتا

bata ai abr musawat kyun nahin karta

hamare gaon mein barsat kyun nahin karta

mahaz ishq se kab kaun bach ke nikla hai

tu bach gaya hai to khairat kyun nahin karta

wo jis ki chhaon mein pachchis sal guzre hain

wo per mujh se koi bat kyun nahin karta

main jis ke sath kai din guzar aya hun

wo mere sath basar rat kyun nahin karta

mujhe to jan se barh kar aziz ho gaya hai

tu mere sath koi hath kyun nahin karta