اس درجہ بد گماں ہیں خلوص بشر سے ہم

اس درجہ بد گماں ہیں خلوص بشر سے ہم

اپنوں کو دیکھتے ہیں پرائی نظر سے ہم

غنچوں سے پیار کر کے یہ عزت ہمیں ملی

چومے قدم بہار نے گزرے جدھر سے ہم

واللہ تجھ سے ترک تعلق کے بعد بھی

اکثر گزر گئے ہیں تری رہگزر سے ہم

صدق و صفائے قلب سے محروم ہے حیات

کرتے ہیں بندگی بھی جہنم کے ڈر سے ہم

عقبیٰ میں بھی ملے گی یہی زندگی شکیلؔ

مر کر نہ چھوٹ پائیں گے اس درد سر سے ہم

is darja bad guman hain khulus-e-bashar se ham

apnon ko dekhte hain parai nazar se ham

ghunchon se pyar kar ke ye izzat hamen mili

chume qadam bahar ne guzre jidhar se ham

wallah tujh se tark-e-taalluq ke baad bhi

aksar guzar gae hain tiri rahguzar se ham

sidq-o-safa-e-qalb se mahrum hai hayat

karte hain bandagi bhi jahannam ke dar se ham

uqba mein bhi milegi yahi zindagi shakil

mar kar na chhut paenge is dard-e-sar se ham