کہیں حسن کا تقاضا کہیں وقت کے اشارے

کہیں حسن کا تقاضا کہیں وقت کے اشارے

نہ بچا سکیں گے دامن غم زندگی کے مارے

شب غم کی تیرگی میں مری آہ کے شرارے

کبھی بن گئے ہیں آنسو کبھی بن گئے ہیں تارے

نہ خلش رہی وہ مجھ میں نہ کشش رہی وہ مجھ میں

جسے زعم عاشقی ہو وہی اب تجھے پکارے

جنہیں ہو سکا نہ حاصل کبھی کیف قرب منزل

وہی دو قدم ہیں مجھ کو تری جستجو سے پیارے

میں شکیلؔ ان کا ہو کر بھی نہ پا سکا ہوں ان کو

مری طرح زندگی میں کوئی جیت کر نہ ہارے

kahin husn ka taqaza kahin waqt ke ishare

na bacha sakenge daman gham-e-zindagi ke mare

shab-e-gham ki tirgi mein miri ah ke sharare

kabhi ban gae hain ansu kabhi ban gae hain tare

na khalish rahi wo mujh mein na kashish rahi wo mujh mein

jise zaam-e-ashiqi ho wahi ab tujhe pukare

jinhen ho saka na hasil kabhi kaif-e-qurb-e-manzil

wahi do qadam hain mujh ko tiri justuju se pyare

main shakil un ka ho kar bhi na pa saka hun un ko

miri tarah zindagi mein koi jit kar na hare