عشق کی چنگاریوں کو پھر ہوا دینے لگے

عشق کی چنگاریوں کو پھر ہوا دینے لگے

میرے پاس آ کر وہ دشمن کو دعا دینے لگے

میکدے کا مے کدہ خاموش تھا میرے بغیر

میں ہوا وارد تو پیمانے صدا دینے لگے

ختم کرنا ہی پڑیں گی شام غم کی الجھنیں

اب وہ اپنے گیسوؤں کا واسطہ دینے لگے

اعتراف اوج کا جذبہ نہیں احباب میں

ہر ترقی پر ترقی کی دعا دینے لگے

دوستوں کی کج ادائی میں بھی لذت ہے شکیلؔ

دوست وہ ہے دوست بن کر جو دغا دینے لگے

ishq ki chingariyon ko phir hua dene lage

mere pas a kar wo dushman ko dua dene lage

maikade ka mai kada khamosh tha mere baghair

main hua warid to paimane sada dene lage

khatm karna hi parengi sham-e-gham ki uljhanen

ab wo apne gesuon ka wasta dene lage

etiraf-e-auj ka jazba nahin ahbab mein

har taraqqi par taraqqi ki dua dene lage

doston ki kaj adai mein bhi lazzat hai shakil

dost wo hai dost ban kar jo dagha dene lage