نگاہ ناز کا اک وار کر کے چھوڑ دیا

نگاہ ناز کا اک وار کر کے چھوڑ دیا

دل حریف کو بیدار کر کے چھوڑ دیا

ہوئی تو ہے یوں ہی تردید عہد لطف و کرم

دبی زبان سے اقرار کر کے چھوڑ دیا

چھپے کچھ ایسے کہ تا زیست پھر نہ آئے نظر

رہین حسرت دیدار کر کے چھوڑ دیا

مجھے تو قید محبت عزیز تھی لیکن

کسی نے مجھ کو گرفتار کر کے چھوڑ دیا

نظر کو جرأت تکمیل بندگی نہ ہوئی

طواف کوچۂ دلدار کر کے چھوڑ دیا

خوشا وہ کشمکش ربط باہمی جس نے

دل و دماغ کو بیکار کر کے چھوڑ دیا

زہے نصیب کہ دنیا نے تیرے غم نے مجھے

مسرتوں کا طلب گار کر کے چھوڑ دیا

کرم کی آس میں اب کس کے در پہ جائے شکیلؔ

جب آپ ہی نے گنہ گار کر کے چھوڑ دیا

nigah-e-naz ka ik war kar ke chhor diya

dil-e-harif ko bedar kar ke chhor diya

hui to hai yun hi tardid ahd-e-lutf-o-karam

dabi zaban se iqrar kar ke chhor diya

chhupe kuchh aise ke ta zist phir na ae nazar

rahin-e-hasrat-e-didar kar ke chhor diya

mujhe to qaid-e-mohabbat aziz thi lekin

kisi ne mujh ko giraftar kar ke chhor diya

nazar ko jurat takmil-e-bandagi na hui

tawaf kucha-e-dildar kar ke chhor diya

khusha wo kashmakash-e-rabt-e-bahami jis ne

dil-o-dimagh ko bekar kar ke chhor diya

zahe nasib ke duniya ne tere gham ne mujhe

masarraton ka talab gar kar ke chhor diya

karam ki as mein ab kis ke dar pe jae shakil

jab ap hi ne gunah gar kar ke chhor diya