وہ ہم سے دور ہوتے جا رہے ہیں

وہ ہم سے دور ہوتے جا رہے ہیں

بہت مغرور ہوتے جا رہے ہیں

بس اک ترک محبت کے ارادے

ہمیں منظور ہوتے جا رہے ہیں

مناظر تھے جو فردوس تصور

وہ سب مستور ہوتے جا رہے ہیں

بدلتی جا رہی ہے دل کی دنیا

نئے دستور ہوتے جا رہے ہیں

بہت مغموم تھے جو دیدہ و دل

بہت مسرور ہوتے جا رہے ہیں

وفا پر مردنی سی چھا چلی ہے

ستم کا نور ہوتے جا رہے ہیں

کبھی وہ پاس آئے جا رہے تھے

مگر اب دور ہوتے جا رہے ہیں

فراق و ہجر کے تاریک لمحے

سراپا نور ہوتے جا رہے ہیں

شکیلؔ احساس گمنامی سے کہہ دو

کہ ہم مشہور ہوتے جا رہے ہیں

wo ham se dur hote ja rahe hain

bahut maghrur hote ja rahe hain

bas ik tark-e-mohabbat ke irade

hamen manzur hote ja rahe hain

manazir the jo firdaus-e-tasawwur

wo sab mastur hote ja rahe hain

badalti ja rahi hai dil ki duniya

nae dastur hote ja rahe hain

bahut maghmum the jo dida-o-dil

bahut masrur hote ja rahe hain

wafa par murdani si chha chali hai

sitam ka nur hote ja rahe hain

kabhi wo pas ae ja rahe the

magar ab dur hote ja rahe hain

firaq-o-hijr ke tarik lamhe

sarapa nur hote ja rahe hain

shakil ehsas-e-gumnami se kah do

ke ham mashhur hote ja rahe hain