تمہیں ہماری محبتوں کے حسین جذبے بلا رہے ہیں

تمہیں ہماری محبتوں کے حسین جذبے بلا رہے ہیں

جو ہم نے لکھے تھے تم پہ ہمدم وہ سارے نغمے بلا رہے ہیں

وہاں تمہارے بھی بچپنوں کی حسین یادیں ہیں دفن یارو

خدا گواہ ہے وطن میں تم کو تمہارے قصبے بلا رہے ہیں

جو حق غریبوں کا کھا رہے ہو تو یاد رکھنا اے حکمرانو

کہیں پہ تم کو بھی ظلمتوں کے سلگتے رقبے بلا رہے ہیں

ہمارے لہجے کی لرزشوں سے سمجھ سکو تو سمجھ بھی جاؤ

تمہارے غم سے لگے جو دل پہ وہ سارے تمغے بلا رہے ہیں

یقین جانو تمہارے جانے کے بعد کوئی رچا نہ مذہب

تمہاری تسبیح تمہارے سجدے تمہارے کلمے بلا رہے ہیں

ندیمؔ دانشوروں کی محفل کبھی نہ کچھ بھی عطا کرے گی

چلو کہ ''جانی پورہ'' جہاں پہ وہ یار کملے بلا رہے ہیں

tumhen hamari mohabbaton ke hasin jazbe bala rahe hain

jo ham ne likhe the tum pe hamdam wo sare naghme bala rahe hain

wahan tumhare bhi bachpanon ki hasin yaden hain dafn yaro

khuda gawah hai watan mein tum ko tumhare qasbe bala rahe hain

jo haq gharibon ka kha rahe ho to yad rakhna ai hukmrano

kahin pe tum ko bhi zulmaton ke sulagte raqbe bala rahe hain

hamare lahje ki larzishon se samajh sako to samajh bhi jao

tumhare gham se lage jo dil pe wo sare tamghe bala rahe hain

yaqin jano tumhare jane ke baad koi racha na mazhab

tumhari tasbih tumhare sajde tumhare kalime bala rahe hain

nadim danishwaron ki mahfil kabhi na kuchh bhi ata karegi

chalo ke ''jani pura'' jahan pe wo yar kamle bala rahe hain