تری انجمن میں ظالم عجب اہتمام دیکھا

تری انجمن میں ظالم عجب اہتمام دیکھا

کہیں زندگی کی بارش کہیں قتل عام دیکھا

میری عرض شوق پڑھ لیں یہ کہاں انہیں گوارا

وہیں چاک کر دیا خط جہاں میرا نام دیکھا

بڑی منتوں سے آ کر وہ مجھے منا رہے ہیں

میں بچا رہا ہوں دامن مرا انتقام دیکھا

اے شکیلؔ روح پرور تری بے خودی کے نغمے

مگر آج تک نہ ہم نے ترے لب پہ جام دیکھا

tiri anjuman mein zalim ajab ehtimam dekha

kahin zindagi ki barish kahin qatl-e-am dekha

meri arz-e-shauq parh len ye kahan unhen gawara

wahin chak kar diya khat jahan mera nam dekha

bari minnaton se a kar wo mujhe mana rahe hain

main bacha raha hun daman mira intiqam dekha

ai shakil ruh parwar tiri be khudi ke naghme

magar aj tak na ham ne tire lab pe jam dekha