اے عشق یہ سب دنیا والے بیکار کی باتیں کرتے ہیں

اے عشق یہ سب دنیا والے بیکار کی باتیں کرتے ہیں

پائل کے غموں کا علم نہیں جھنکار کی باتیں کرتے ہیں

ہر دل میں چھپا ہے تیر کوئی ہر پاؤں میں ہے زنجیر کوئی

پوچھے کوئی ان سے غم کے مزے جو پیار کی باتیں کرتے ہیں

الفت کے نئے دیوانوں کو کس طرح سے کوئی سمجھائے

نظروں پہ لگی ہے پابندی دیدار کی باتیں کرتے ہیں

بھونرے ہیں اگر مدہوش تو کیا پروانے بھی ہیں خاموش تو کیا

سب پیار کے نغمے گاتے ہیں سب یار کی باتیں کرتے ہیں

ai ishq ye sab duniya wale bekar ki baten karte hain

pail ke ghamon ka ilm nahin jhankar ki baten karte hain

har dil mein chhupa hai tir koi har paon mein hai zanjir koi

puchhe koi un se gham ke maze jo pyar ki baten karte hain

ulfat ke nae diwanon ko kis tarah se koi samjhae

nazron pe lagi hai pabandi didar ki baten karte hain

bhaunre hain agar madhosh to kya parwane bhi hain khamosh to kya

sab pyar ke naghme gate hain sab yar ki baten karte hain