آج پھر گردش تقدیر پہ رونا آیا

آج پھر گردش تقدیر پہ رونا آیا

دل کی بگڑی ہوئی تصویر پہ رونا آیا

عشق کی قید میں اب تک تو امیدوں پہ جئے

مٹ گئی آس تو زنجیر پہ رونا آیا

کیا حسیں خواب محبت نے دکھایا تھا ہمیں

کھل گئی آنکھ تو تعبیر پہ رونا آیا

پہلے قاصد کی نظر دیکھ کے دل سہم گیا

پھر تری سرخئ تحریر پہ رونا آیا

دل گنوا کر بھی محبت کے مزے مل نہ سکے

اپنی کھوئی ہوئی تقدیر پہ رونا آیا

کتنے مسرور تھے جینے کی دعاؤں پہ شکیلؔ

جب ملے رنج تو تاثیر پہ رونا آیا

aj phir gardish-e-taqdir pe rona aya

dil ki bigri hui taswir pe rona aya

ishq ki qaid mein ab tak to ummidon pe jiye

mit gai as to zanjir pe rona aya

kya hasin khwab-e-mohabbat ne dikhaya tha hamen

khul gai ankh to taabir pe rona aya

pahle qasid ki nazar dekh ke dil sahm gaya

phir tiri surkhi-e-tahrir pe rona aya

dil ganwa kar bhi mohabbat ke maze mil na sake

apni khoi hui taqdir pe rona aya

kitne masrur the jine ki duaon pe shakil

jab mile ranj to tasir pe rona aya