بھولی بسری یادوں کی بارات نہیں آئی

بھولی بسری یادوں کی بارات نہیں آئی

اک مدت سے ہجر کی لمبی رات نہیں آئی

آتی تھی جو روز گلی کے سونے نکڑ تک

آج ہوا کیا وہ پرچھائیں سات نہیں آئی

مجھ کو تعاقب میں لے آئی اک انجان جگہ

خوشبو تو خوشبو تھی میرے ہات نہیں آئی

اس دنیا سے ان کا رشتہ آدھا ادھورا ہے

جن لوگوں تک خوابوں کی سوغات نہیں آئی

اوپر والے کی من مانی کھلنے لگی ہے اب

مینہ برسا دو چار دفعہ برسات نہیں آئی

bhuli bisri yadon ki barat nahin ai

ik muddat se hijr ki lambi rat nahin ai

ati thi jo roz gali ke sone nukkar tak

aj hua kya wo parchhain sat nahin ai

mujh ko taaqub mein le ai ik anjan jagah

khushbu to khushbu thi mere hat nahin ai

is duniya se un ka rishta adha adhura hai

jin logon tak khwabon ki saughat nahin ai

upar wale ki man mani khulne lagi hai ab

menh barsa do char dafa barsat nahin ai