بے تاب ہیں اور عشق کا دعویٰ نہیں ہم کو

بے تاب ہیں اور عشق کا دعویٰ نہیں ہم کو

آوارہ ہیں اور دشت کا سودا نہیں ہم کو

غیروں کی محبت پہ یقیں آنے لگا ہے

یاروں سے اگرچہ کوئی شکوہ نہیں ہم کو

نیرنگیئ دل ہے کہ تغافل کا کرشمہ

کیا بات ہے جو تیری تمنا نہیں ہم کو

یا تیرے علاوہ بھی کسی شے کی طلب ہے

یا اپنی محبت پہ بھروسا نہیں ہم کو

یا تم بھی مداوائے الم کر نہیں سکتے

یا چارہ گرو فکر مداوا نہیں ہم کو

یوں برہمئی کاکل امروز سے خوش ہیں

جیسے کہ خیال رخ فردا نہیں ہم کو

be tab hain aur ishq ka daawa nahin ham ko

awara hain aur dasht ka sauda nahin ham ko

ghairon ki mohabbat pe yaqin ane laga hai

yaron se agarche koi shikwa nahin ham ko

nairangyi-e-dil hai ke taghaful ka karishma

kya bat hai jo teri tamanna nahin ham ko

ya tere alawa bhi kisi shai ki talab hai

ya apni mohabbat pe bharosa nahin ham ko

ya tum bhi mudawa-e-alam kar nahin sakte

ya chara giro fikr-e-mudawa nahin ham ko

yun barramai kakul-e-imroz se khush hain

jaise ke khayal-e-rukh farda nahin ham ko