ہم پڑھ رہے تھے خواب کے پرزوں کو جوڑ کے

ہم پڑھ رہے تھے خواب کے پرزوں کو جوڑ کے

آندھی نے یہ طلسم بھی رکھ ڈالا توڑ کے

آغاز کیوں کیا تھا سفر ان خلاؤں کا

پچھتا رہے ہو سبز زمینوں کو چھوڑ کے

اک بوند زہر کے لیے پھیلا رہے ہو ہاتھ

دیکھو کبھی خود اپنے بدن کو نچوڑ کے

کچھ بھی نہیں جو خواب کی صورت دکھائی دے

کوئی نہیں جو ہم کو جگائے جھنجھوڑ کے

ان پانیوں سے کوئی سلامت نہیں گیا

ہے وقت اب بھی کشتیاں لے جاؤ موڑ کے

ham parh rahe the khwab ke purzon ko jor ke

andhi ne ye tilism bhi rakh dala tor ke

aghaz kyun kya tha safar un khalaon ka

puchhta rahe ho sabz zaminon ko chhor ke

ik bund zahr ke liye phaila rahe ho hath

dekho kabhi khud apne badan ko nichor ke

kuchh bhi nahin jo khwab ki surat dikhai de

koi nahin jo ham ko jagae jhinjhor ke

in paniyon se koi salamat nahin gaya

hai waqt ab bhi kashtiyan le jao mor ke