Arooz is now on the App Store, for iPhone and iPad. Download →

All poetry

ہوا کا زور ہی کافی بہانہ ہوتا ہے

Shahryar (1936–2012)

ہوا کا زور ہی کافی بہانہ ہوتا ہے

اگر چراغ کسی کو جلانا ہوتا ہے

زبانی دعوے بہت لوگ کرتے رہتے ہیں

جنوں کے کام کو کر کے دکھانا ہوتا ہے

ہمارے شہر میں یہ کون اجنبی آیا

کہ روز خواب سفر پہ روانہ ہوتا ہے

کہ تو بھی یاد نہیں آتا یہ تو ہونا تھا

گئے دنوں کو سبھی کو بھلانا ہوتا ہے

اسی امید پہ ہم آج تک بھٹکتے ہیں

ہر ایک شخص کا کوئی ٹھکانہ ہوتا ہے

ہمیں اک اور بھری بزم یاد آتی ہے

کسی کی بزم میں جب مسکرانا ہوتا ہے