تو کہاں ہے تجھ سے اک نسبت تھی میری ذات کو

تو کہاں ہے تجھ سے اک نسبت تھی میری ذات کو

کب سے پلکوں پر اٹھائے پھر رہا ہوں رات کو

میرے حصے کی زمیں بنجر تھی میں واقف نہ تھا

بے سبب الزام میں دیتا رہا برسات کو

کیسی بستی تھی جہاں پر کوئی بھی ایسا نہ تھا

منکشف میں جس پہ کرتا اپنے دل کی بات کو

ساری دنیا کے مسائل یوں مجھے درپیش ہیں

تیرا غم کافی نہ ہو جیسے گزر اوقات کو

tu kahan hai tujh se ik nisbat thi meri zat ko

kab se palkon par uthae phir raha hun rat ko

mere hisse ki zamin banjar thi main waqif na tha

be sabab ilzam mein deta raha barsat ko

kaisi basti thi jahan par koi bhi aisa na tha

munkashif mein jis pe karta apne dil ki bat ko

sari duniya ke masail yun mujhe darpesh hain

tera gham kafi na ho jaise guzar auqat ko