اب وہ سب کچھ کر رہے ہیں دوستی کی آڑ میں

اب وہ سب کچھ کر رہے ہیں دوستی کی آڑ میں

غیر ممکن تھا جو شاید دشمنی کی آڑ میں

اس قدر نخرے نہ کر اے موت آ جا سامنے

کب تلک چھپ کر رہے گی زندگی کی آڑ میں

آج اک محفل میں جب اس سے نظر ٹکرا گئی

ہم نے کہہ دی دل کی باتیں شاعری کی آڑ میں

اک سلیقے سے کیا ہے پھول دے کر پھول کو

عشق کا اظہار چودہ فروری کی آڑ میں

پچھلی شب کا واقعہ اب کیا بتاؤں دوستوں

چوم آیا چاند کو میں تیرگی کی آڑ میں

ab wo sab kuchh kar rahe hain dosti ki ar mein

ghair mumkin tha jo shayad dushmani ki ar mein

is qadar nakhre na kar ai maut a ja samne

kab talak chhup kar rahegi zindagi ki ar mein

aj ik mahfil mein jab us se nazar takra gai

ham ne kah di dil ki baten shayari ki ar mein

ik saliqe se kya hai phul de kar phul ko

ishq ka izhar chauda farwari ki ar mein

pichhli shab ka waqia ab kya bataun doston

chum aya chand ko main tirgi ki ar mein