ایسے ہجر کے موسم کب کب آتے ہیں

ایسے ہجر کے موسم کب کب آتے ہیں

تیرے علاوہ یاد ہمیں سب آتے ہیں

جاگتی آنکھوں سے بھی دیکھو دنیا کو

خوابوں کا کیا ہے وہ ہر شب آتے ہیں

جذب کرے کیوں ریت ہماری اشکوں کو

تیرا دامن تر کرنے اب آتے ہیں

اب وہ سفر کی تاب نہیں باقی ورنہ

ہم کو بلاوے دشت سے جب تب آتے ہیں

کاغذ کی کشتی میں دریا پار کیا

دیکھو ہم کو کیا کیا کرتب آتے ہیں

aise hijr ke mausam kab kab ate hain

tere alawa yad hamen sab ate hain

jagti ankhon se bhi dekho duniya ko

khwabon ka kya hai wo har shab ate hain

jazb kare kyun ret hamari ashkon ko

tera daman tar karne ab ate hain

ab wo safar ki tab nahin baqi warna

ham ko bulawe dasht se jab tab ate hain

kaghaz ki kashti mein dariya par kiya

dekho ham ko kya kya kartab ate hain