آندھیاں آتی تھیں لیکن کبھی ایسا نہ ہوا

آندھیاں آتی تھیں لیکن کبھی ایسا نہ ہوا

خوف کے مارے جدا شاخ سے پتا نہ ہوا

روح نے پیرہن جسم بدل بھی ڈالا

یہ الگ بات کسی بزم میں چرچا نہ ہوا

رات کو دن سے ملانے کی ہوس تھی ہم کو

کام اچھا نہ تھا انجام بھی اچھا نہ ہوا

وقت کی ڈور کو تھامے رہے مضبوطی سے

اور جب چھوٹی تو افسوس بھی اس کا نہ ہوا

خوب دنیا ہے کہ سورج سے رقابت تھی جنہیں

ان کو حاصل کسی دیوار کا سایہ نہ ہوا

andhiyan ati thin lekin kabhi aisa na hua

khauf ke mare juda shakh se patta na hua

ruh ne pairahan-e-jism badal bhi dala

ye alag bat kisi bazm mein charcha na hua

rat ko din se milane ki hawas thi ham ko

kam achchha na tha anjam bhi achchha na hua

waqt ki dor ko thame rahe mazbuti se

aur jab chhoti to afsos bhi us ka na hua

khub duniya hai ke suraj se raqabat thi jinhen

un ko hasil kisi diwar ka saya na hua