ہنس رہا تھا میں بہت گو وقت وہ رونے کا تھا

ہنس رہا تھا میں بہت گو وقت وہ رونے کا تھا

سخت کتنا مرحلہ تجھ سے جدا ہونے کا تھا

رتجگے تقسیم کرتی پھر رہی ہیں شہر میں

شوق جن آنکھوں کو کل تک رات میں سونے کا تھا

اس سفر میں بس مری تنہائی میرے ساتھ تھی

ہر قدم کیوں خوف مجھ کو بھیڑ میں کھونے کا تھا

ہر بن مو سے درندوں کی صدا آنے لگی

کام ہی ایسا بدن میں خواہشیں بونے کا تھا

میں نے جب سے یہ سنا ہے خود سے بھی نادم ہوں میں

ذکر تجھ ہونٹوں پہ میرے در بدر ہونے کا تھا

hans raha tha main bahut go waqt wo rone ka tha

sakht kitna marhala tujh se juda hone ka tha

ratjage taqsim karti phir rahi hain shahr mein

shauq jin ankhon ko kal tak rat mein sone ka tha

is safar mein bas miri tanhai mere sath thi

har qadam kyun khauf mujh ko bhir mein khone ka tha

har ban-e-mu se darindon ki sada ane lagi

kam hi aisa badan mein khwahishen bone ka tha

main ne jab se ye suna hai khud se bhi nadim hun main

zikr tujh honton pe mere dar badar hone ka tha