شکوہ کوئی دریا کی روانی سے نہیں ہے

شکوہ کوئی دریا کی روانی سے نہیں ہے

رشتہ ہی مری پیاس کا پانی سے نہیں ہے

کل یوں تھا کہ یہ قید زمانی سے تھے بیزار

فرصت جنہیں اب سیر مکانی سے نہیں ہے

چاہا تو یقیں آئے نہ سچائی پہ اس کی

خائف کوئی گل عہد خزانی سے نہیں ہے

دہراتا نہیں میں بھی گئے لوگوں کی باتیں

اس دور کو نسبت بھی کہانی سے نہیں ہے

کہتے ہیں مرے حق میں سخن فہم بس اتنا

شعروں میں جو خوبی ہے معانی سے نہیں ہے

shikwa koi dariya ki rawani se nahin hai

rishta hi miri pyas ka pani se nahin hai

kal yun tha ke ye qaid zamani se the bezar

fursat jinhen ab sair makani se nahin hai

chaha to yaqin ae na sachchai pe us ki

khaif koi gul ahd-e-khuzzani se nahin hai

dohrata nahin main bhi gae logon ki baten

is daur ko nisbat bhi kahani se nahin hai

kahte hain mire haq mein sukhan fahm bas itna

sheron mein jo khubi hai maani se nahin hai