فضول وقت سمجھ کے گزار کر مجھ کو

فضول وقت سمجھ کے گزار کر مجھ کو

وہ جا رہا ہے کہیں دور مار کر مجھ کو

تلاش مجھ کو ہے اس چاہتوں کی دیوی کی

جو چھپ گئی ہے ہمیشہ پکار کر مجھ کو

تمام عمر ترے انتظار میں ہمدم

خزاں رسیدہ رہا ہوں بہار کر مجھ کو

ترا خلوص تو چہرے بدلتا رہتا ہے

کہ ایک پل کو ہی اپنا شمار کر مجھ کو

ندیمؔ اس کا پرانا لباس ہوں شاید

وہ لگ رہا ہے بہت خوش اتار کر مجھ کو

fuzul waqt samajh ke guzar kar mujh ko

wo ja raha hai kahin dur mar kar mujh ko

talash mujh ko hai is chahaton ki dewi ki

jo chhup gai hai hamesha pukar kar mujh ko

tamam umr tire intizar mein hamdam

khizan rasida raha hun bahar kar mujh ko

tira khulus to chehre badalta rahta hai

ke ek pal ko hi apna shumar kar mujh ko

nadim us ka purana libas hun shayad

wo lag raha hai bahut khush utar kar mujh ko